უროციტ K
გამოყენების ინსტრუქცია
UROCIT®-K 10 mEq შენელებული გამოთავისუფლების შემოგარსული ტაბლეტი
მიიღება პერორალურად.
· აქტიური ნივთიერება: 10 mEq (1080 მგ) კალიუმის ციტრატი
· დამხმარე ნივთიერებები: კარნაუბას ცვილი და მაგნიუმის სტერეატი.
|
გთხოვთ, ამ მედიკამენტის მიღების დაწყებამდე ყურადღებით გაეცნოთ აღნიშნულ მოხმარების წესებს, რადგან ინსტრუქცია თქვენთვის მნიშვნელოვან ინფორმაციას შეიცავს. · შეინახეთ მოხმარების ინსტრუქცია. შეიძლება მოგვიანებით ხელახლა წაკითხვა დაგჭირდეთ; · დამატებითი კითხვების შემთხვევაში, გთხოვთ, მიმართოთ თქვენს ექიმს ან ფარმაცევტს; · თუ მედიკამენტი პირადად თქვენ დაგენიშნათ, არ მისცეთ სხვას; · მედიკამენტის მიღების პერიოდში, ექიმთან ან საავადმყოფოში ვიზიტისას, თქვენს ექიმს უთხარით, რომ იღებთ ამ მედიკამენტს; · ზუსტად დაიცავით ინსტრუქციაში მოცემული წესები. არ მიიღოთ იმაზე მეტი ან ნაკლები დოზა, რაც დაგენიშნათ. |
აღნიშნული მოხმარების ინსტრუქციაში მიიღებთ პასუხებს შემდეგ კითხვებზე:
1. რა არის UROCIT®-K 10 mEq და რისთვის გამოიყენება?
2. UROCIT®-K 10 mEq-ის მიღებამდე რა უნდა გაითვალისწინოთ?
3. როგორ უნდა მიიღოთ UROCIT®-K 10 mEq?
4. რა არის შესაძლო გვერდითი მოვლენები?
5. როგორ შეინახოთ UROCIT®-K 10 mEq?
1. რა არის UROCIT®-K 10 mEq და რისთვის გამოიყენება?
UROCIT®-K 10 mEq არის ღია ყვითელი ფერის, wax მატრიცის მქონე შენელებული გამოთავისუფლების შემოგარსული ტაბლეტი. 1080 მგ კალიუმის ციტრატს შეიცავს. კალიუმის ციტრატი გამოიყენება თირკმელებში შარდმჟავას და კალციუმის კრისტალების წარმოქმნის თავიდან ასაცილებლად.
2. UROCIT®-K 10 mEq-ის მიღებამდე რა უნდა გაითვალისწინოთ?
არ მიიღოთ UROCIT®-K შემდეგ შემთხვევებში.
UROCIT-K-მ შეიძლება გამოიწვიოს სისხლში კალიუმის დონის დამატებითი მატება, რაც შესაძლებელია გულის გაჩერების მიზეზი გახდეს. ამიტომ, არ გამოიყენოთ ეს მედიკამნეტი, თუ ადრე გქონდათ კალიუმის მაღალი დონე ან გაქვთ მიდრეკილება კალიუმის მაღალი დონის მიმართ. ასეთი მდგომარეობის არსებობის შემთხვევაში აცნობეთ თქვენს ექიმს. პირობები, რომლებმაც შეიძლება გამოიწვიოს კალიუმის მაღალი დონეები, შემდეგია: თირკმლის ქრონიკული უკმარისობა, უკონტროლო დიაბეტი, მწვავე დეჰიდრატაცია, იმ პირთა მიერ მძიმე ფიზიკური ვარჯიშის შესრულების მდგომარეობა, რომელთა პირობებიც შესაფერისი არ არის, თირკმელზედა ჯირკვლის უკმარისობა, ქსოვილის მძიმე დაზიანება ან ისეთი წამლების გამოყენება, რომლებიც კალიუმის შეკავებას ახორციელებენ (როგორიცაა ტრიამტერენი, სპირონოლაქტონი ან ამილორიდი). UROCIT-K არ უნდა იქნას გამოყენებული პაციენტებში, რომელთაც გასტროინტესტინური ტრაქტში ტაბლეტის გავლის შემაჩერებელი ან დამაბრკოლებელი ისეთი მიზეზები აქვთ, როგორიცაა ჩივილები კუჭის დაგვიანებულ დაცლასთან დაკავშირებით, ზეწოლა საყლაპავში, ნაწლავის გაუვალობა ან შევიწროება ან ანტიქოლინერგული პრეპარატებით მკურნალობა. რადგანაც შესაძლებელია, რომ UROCIT-K-თი მკურნალობამ წყლულები გამოიწვიოს, იგი არ უნდა იქნას გამოყენებული პეპტიური წყლულის მქონე პაციენტებში.
UROCIT-K ასევე არ გამოიყენება საშარდე გზების აქტიური ინფექციის დროს. აცნობეთ ექიმს, თუ გაქვთ პრობლემა საშარდე გზებში. თუ გაქვთ თირკმელების ფუნქციის დარღვევა, არ გამოიყენოთ ეს წამალი და აცნობეთ ექიმს.
UROCIT-K-ს მიღების შემთხვევაში, სიფრთხილე გამოიჩინეთ:
თუ თქვენი სხეულის კალიუმის გამოყოფის მექანიზმი კარგად არ მუშაობს, შესაძლებელია კალიუმის დაგროვება მოხდეს, ამან კი გულის გაჩერება გამოიწვიოს. აქედან გამომდინარე, თუ გაქვთ თირკმლის უკმარისობა ან გულის უკმარისობა, ამის შესახებ აცნობეთ თქვენს ექიმს და არ გამოიყენოთ ეს პრეპარატი.
UROCIT-K ტრიამტერენის, სპირონოლაქტონის ან ამილორიდის მსგავს შარდმდენ საშუალებებთან ერთად არ უნდა იქნას გამოყენებული. აცნობეთ ექიმს, თუ იყენებთ რომელიმე ამ პრეპარატს.
თქვენი ექიმი შრატში კალიუმის რეგულარულ განსაზღვრას გირჩევთ. მჟავა-ტუტოვანი ბალანსი, შრატის სხვა ელექტროლიტების დონეები, ელექტროკარდიოგრამა და კლინიკური მდგომარეობა უნდა გაკონტროლდეს თქვენი ექიმის მიერ, განსაკუთრებით თუ გაქვთ გულის დაავადება, თირკმელების პრობლემა ან აციდოზი.
აუცილებლად მიმართეთ ექიმს, თუ ჩამოთვლილ გაფრთხილებათაგან რომელიმე გეხებათ ან წარსულში გეხებოდათ.
UROCIT-K-ს საკვებთან და სასმელთან ერთად მიღება
ტაბლეტების მიღება შესაძლებელია საკვებთან ერთად კუჭ-ნაწლავის გაღიზიანებასთან დაკავშირებული ჩივილების თავიდან ასაცილებლად.
ორსულობა
მედიკამენტის მიღებამდე მიმართეთ თქვენს ექიმს ან ფარმაცევტს.
უცნობია UROCIT-K-ს მიღებას ორსულ ქალებში მუცლადმყოფ ბავშვზე უარყოფითი ეფექტი აქვს თუ არა. UROCIT-K მიიღეთ მხოლოდ ექიმის კონტროლის ქვეშ იმ შემთხვევაში, თუ ექიმი გადაწყვეტს, რომ მისი მიღება აუცილებელია.
თუ მკურნალობის დროს მიხვდებით, რომ ორსულად ხართ, დაუყოვნებლივ მიმართეთ თქვენს ექიმს ან ფარმაცევტს.
ლაქტაცია
ამ მედიკამენტის გამოყენებამდე მიმართეთ ექიმს ან ფარმაცევტს.
მეძუძურმა დედებმა UROCIT-K მხოლოდ ექიმის რეკომენდაციით უნდა გამოიყენონ.
სატრანსპორტი საშუალებებისა და დანადგარების მართვა
ავტომობილის მართვის ანდა მექანიზმების გამოყენების უნარზე ზემოქმედების მოხდენა არ არის ცნობილი.
UROCIT-K-ს შემადგენლობაში შემავალი ზოგიერთი დამხარე ნივთიერების შესახებ მნიშვნელოვანი ინფორმაცია
ტაბლეტები არ შეიცავს ისეთ დამხმარე ნივთიერებას, რომელიც გაფრთხილებას საჭიროებს.
სხვა მედიკამენტებთან ერთად მიღება
არ გამოიყენოთ UROCT-K ისეთ წამლებთან ერთად, როგორიცაა მაგალითად ტრიამტერენი, სპირონოლაქტონი ან ამილორიდი.
კუჭ-ნაწლავის ტრაქტში წყლულებისა და სისხლდენის რისკი შეიძლება გაზარდოს ანტიქოლინერგული პრეპარატების სახელით ცნობილი ჯგუფის წამლებმა, რომლებიც ანელებენ კუჭ-ნაწლავის ტრაქტის გავლას და ახანგრძლივებენ პერიოდს.
თუ ამჟამად ან ახლახან იღებდით რეცეპტით ან ურეცეპტოდ გაცემულ ნებისმიერ მედიკამენტს, გთხოვთ, აღნიშნულზე აცნობოთ თქვენს ექიმს ან ფარმაცევტს.
3. როგორ უნდა მიიღოთ UROCIT®-K 10 mEq?
UROCIT-K-ს მიღებისას მოერიდეთ დიდი რაოდენობით მარილის შემცველ საკვებს და სავებზე მარილის დამატებას, დალიეთ ბევრი სითხე. შარდის ყოველდღიური რაოდენობა მინიმუმ 2 ლიტრი უნდა იყოს.
შესაძლებელია ექიმმა ყოველ ოთხ თვეში ერთხელ შრატში ელექტროლიტების (ნატრიუმის, კალიუმის, ქლორიდის და ნახშირორჟანგის), შრატში კრეატინინისა და სისხლის სრული ანალიზის ჩატარება მოგთხოვოთ. მკურნალობა უნდა შეწყდეს თუ კალიუმის დონე მაღალია, სისხლში ჰემატოკრიტის ან ჰემოგლობინის მაჩვენებლების მნიშვნელოვანი დაქვეითება არსებობს.
მიღების გზა და მეთოდი:
პრეპარატი ექიმის რეკომენდაციის შესაბამისად მიიღეთ. ტაბლეტები დამსხვრევის, გამოწუწნის ან დაღეჭვის გარეშე მთლიანად გადაყლაპეთ. აცნობეთ ექიმს თუ ტაბლეტების გადაყლაპვა გიძნელდებათ ან ყელზე გეწებებათ.
სხვადასხვა ასაკობრივი ჯგუფი:
მიღება ბავშვებში:
ბავშვებში მიღებასთან დაკავშირებით მონაცემები არ არის ცნობილი.
მიღება ხანდაზმულებში:
თუ გაქვთ თირკმლის უკმარისობა, მიოკარდიუმის დაზიანება ან გულის უკმარისობა, არ გამოიყენოთ ეს წამალი და მდგომარეობის შესახებ აცნობეთ ექიმს.
სპეციალური მიღების შემთხვევები:
თირკმლის უკმარისობა:
თირკმლის მწვავე უკმარისობა თუ გაქვთ, აცნობეთ ექიმს აღნიშნულის შესახებ.
თუ გაქვთ შთაბეჭდილება, რომ UROCIT-K-ს ეფექტი ძალიან ძლიერი ან სუსტია, მიმართეთ თქვენს ექიმს ან ფარმაცევტს.
თუ საჭიროზე მეტი UROCIT-K მიიღეთ:
თუ თქვენ გამოიყენეთ იმაზე მეტი UROCIT-K ვიდრე უნდა გამოგეყენებინათ, გაესაუბრეთ ექიმს ან ფარმაცევტს.
თუ დაგავიწყდათ UROCIT-K-ს მიღება:
გამოტოვებული დოზის ანაზღაურების მიზნით არ მიიღოთ ორმაგი დოზა.
გაესაუბრეთ ექიმს
UROCIT-K-თი მკურნალობის შეწყვეტის შემთხვევაში განვითარებული შესაძლო გვერდითი მოვლენები:
UROCIT-K-თი მკურნალობის შეწყვეტის დროს რაიმე გვერდითი ეფექტი არ არის მოსალოდნელი.
4. რა არის შესაძლო გვერდითი მოვლენები?
სხვა წამლების მსგავსად, მგრძნობიარე ადამიანებს UROCIT-K-ს შემადგენლობაში შემავალ ნივთიერებებზე (ესტრადიოლი) შეიძლება განუვითარდეთ გვერდითი მოვლენები. თუმცა, ეს ყველასთან არ ვლინდება.
თუ ჩამოთვლილთაგან რომელიმე მოხდა, შეწყვიტეთ UROCIT-K-ს გამოყენება და დაუყოვნებლივ აცნობეთ ექიმს ან მიმართეთ უახლოეს საავადმყოფოს სასწრაფო დახმარების განყოფილებას:
ამ პრეპარატის გამოყენებისას ძლიერი ღებინება, მუცლის ტკივილი ან კუჭ-ნაწლავიდან სისხლდენა თუ განვითარდება, UROCIT-K-ს მიღება დაუყოვნებლივ შეწყვიტეთ და მიმართეთ ექიმს. ეს სიმპტომები შეიძლება მიუთითებდეს ნაწლავის პერფორაციაზე ან გაუვალობაზე. შეიძლება დაგჭირდეთ სასწრაფო სამედიცინო დახმარება ან ჰოსპიტალიზაცია. ყველა ეს ძალიან სერიოზული გვერდითი მოვლენა ძალიან იშვიათად ვლინდება.
თუ ჩამოთვლილთაგან რომელიმე მოხდა, დაუყოვნებლივ აცნობეთ ექიმს ან მიმართეთ უახლოეს საავადმყოფოს სასწრაფო დახმარების განყოფილებას:
· პირის, სახის, ტუჩების ან ენის შეშუპება
· სუნთქვის გაძნელება
· ქავილი
· კანის სიწითლე
აღნიშNული სიმპტომები თუ გამოვლინდება, ეს ნიშნავს, რომ UROCIT-K-ს მიმართ სერიოზული ალერგია გაქვთ.
ამ მედიკამენტის გამოყენებისას უჩვეულო სიტუაციასთან დაკავშირებით რაიმე სახის შფოთვები თუ გექნებათ, დაუყოვნებლივ ექიმს აცნობეთ ან უახლოეს საავადმყოფოს მიმართეთ.
ქვემოთ ჩამოთვლილთაგან რომელიმე თუ გამოვლინდება, აცნობეთ ექიმს:
UROCIT-K-თი მკურნალობის დროს შეიძლება გამოვლინდეს კუჭ-ნაწლავთან დაკავშირებული ისეთი ჩივილები, როგორიცაა მუცლის ტკივილი, ღებინება, დიარეა, ნაწლავების ნელი მქომედება და გულისრევა. ეს სიმპტომები კუჭ-ნაწლავის დაზიანებასთან არის დაკავშირებული და შესაძლებელია შემცირებულ იქნეს დოზის შემცირებით ან ტაბლეტების საკვებთან ერთად მიღებით. შესაძლებელია განავალში დაურღვეველი მატრიცა იქნეს აღმოჩენილი. ეს ნორმალური მდგომარეობაა.
თუ გამოვლინდება ან გამწვავდება რომელიმე გვერდითი მოვლენა, რომელიც არ არის აღნიშნული ამ ინსტრუქციაში, აცნობეთ თქვენს ექიმს ან ფარმაცევტს.
გვერდითი მოვლენების აღრიცხვა
მოხმარების ინსტრუქციაში ნახსენები ან სხვა გვერდითი მოვლენის დადგომის შემთხვევაში, გაესაუბრეთ თქვენს ექიმს, ფარმაცევტს ან ექთანს. აგრეთვე, გადატანილი გვერდითი მოვლენების შესახებ შეგიძლიათ შეატყობინოთ თურქეთის ფარმაკოვიგილაციის ცენტრს (TUFAM), რისთვისაც შეგიძლიათ შეხვიდეთ ვებ-გვერდზე: www.titck.gov.tr და გადახვიდეთ „მედიკამენტის გვერდითი მოვლენების შეტყობინების“ გვერდზე, ან დარეკოთ გვერდითი მოვლენების შეტყობინების სპეციალურ ხაზზე: 0 800 314 00 08. გადატანილ გვერდით მოვლენებზე შეტყობინებით საკუთარ წვლილს შეიტანთ თქვენ მიერ მიღებული მედიკამენტის უსაფრთხოების გაზრდაში.
5. როგორ შეინახოთ UROCIT®-K 10 mEq?
შეინახეთ UROCIT-K ბავშვებისთვის მიუწვდომელ ადგილას და მის შეფუთვაში.
გთხოვთ გამოიყენოთ მოხმარების ბოლო ვადის გასვლამდე.
შენახეთ საკუთარ შეფუთვაში კარგად თავდახურულ მდგომარეობაში და 250C-ზე დაბალ ოთახის ტემპერატურაზე, სადაც არ არის ტენიანობა.
არ გადააგდოთ ვადაგასული ან გამოუყენებელი მედიკამენტები! ასეთი მედიკამენტები გადაეცით გარემოს დაცვისა და ურბანიზაციის სამინისტროს მიერ განსაზღვრულ შემგროვებელ სისტემას.
ამ სამედიცინო პროდუქციასთან დაკავშირებით რაიმე ინფორმაციის მიღების მიზნით გთხოვთ დაუკავშურდეთ ლიცენზიის მფლობელ კომპანიას.
ლიცენზიის მფლობელი:
AYMED İlaç San. ve Tic. Ltd. Şti. (შპს. „აიმედ ილაჩ სან. ვე თიჯ.“)
ეჰლიბეითის უბანი, 1242-ე გამზ. N18/14 ბალგათ - ჩანქაია/ანკარა
ტელ: 0312 473 34 10
ფაქსი: 0312 473 31 10
წარმოების ადგილი:
Argis İlaç San. ve Tic. Ltd. Şti. (შპს. „არგის ილაჩ სან. ვე თიჯ.“)
ბათი სითესის უბანი, გერსანის მრეწველობის დასახლება, 2307-ე გამზ. N80-82-84 იენიმაჰალლე/ანკარა
მოხმარების ინსტრუქცია დამტკიცდა 28 / 03 / 2019 წელს.
მოხმარებამდე გაეცანით გამოყენების ინსტრუქციას. მოულოდნელი გვერდითი ეფექტის გამოვლენის შემთხვევაში დაუკავშირდით თქვენს ექიმს. შეინახეთ ბავშვებისთვის მიუწვდომელ ადგილას და მის შეფუთვაში. არ შეიძინოთ გაჭრილი ან გახსნილი შეფუთვები. შენახეთ 250C-ზე დაბალ ოთახის ტემპერატურაზე, სადაც არ არის ტენიანობა. გაიცემა რეცეპტით.
ლიცენზიის მფლობელი: AYMED İlaç San. ve Tic. Ltd. Şti. (შპს. „აიმედ ილაჩ სან. ვე თიჯ.“)
ეჰლიბეითის უბანი, 1242-ე გამზ. N18/14 ბალგათ - ჩანქაია/ანკარა
ლიცენზიის N: 28.03.2019 – 2019/191
წარმოების ადგილი: Argis İlaç San. ve Tic. Ltd. Şti. (შპს. „არგის ილაჩ სან. ვე თიჯ.“)
ბათი სითესის უბანი, გერსანის მრეწველობის დასახლება, 2307-ე გამზ. N80-82-84 იენიმაჰალლე/ანკარა
ლიცენზირების განმახორციელებელი კომპანია: Mission Pharmacal Company
R0122 ET-020-2201A
------------------------------------------------------------------------------------------
UROCIT®-K 10 mEq
შენელებული გამოთავისუფლების შემოგარსული ტაბლეტი
კალიუმის ციტრატი
100 ტაბლეტი
თითოეული ტაბლეტი 10 mEq (1080 მგ) კალიუმის ციტრატს შეიცავს.
------------------------------------------------------------------------------------------
გამოყენების ინსტრუქციისთვის გახსენით აქედან.
(01) 08699771030020
(21) KMN000001OG1
(17) გამოყენების ვადა: 31/07/2024
(10) პარტიის N: 060012207